Swachh Survekshan 2017 hawn a ni

Ministry of Urban Development-in India ram khawpui 500, mihring nuai khat chin chennate tan faina kawnga kum 2017 chhunga inelna a buatsaih - Swachh Survekshan 2017 chu Inrinni khan New Delhi-ah Urban Development minister Venkaiah Naidu-a'n video conferencing hmangin a hawng a; Aizawlah pawh NIC video conferencing hall-ah AMC leh UDPA hotute'n an hmanpui.

Programme zawhah hian Aizawl DC Kannan Gopinathan kaihhruainain workshop neih chhunzawm a ni a; mithiam hrang hrangin paper an present a, sawiho nghal a ni.

Swachh Survekshan hi sorkar laipuiin khawpui lian leh tê, Swachh Bharat Mission (Urban) kalpuinaah faina leh thianghlimna kawnga an chak zawk leh ṭha zawka hma an sawn theih nana buatsaih a ni a; kum 2016 khan he inelna atana India rama khawpui 73 thlan chhuah zingah Aizawl chu 41-na a ni.