Sikulah nuai 20 vel hû kàng chhia

North Vanlaiphai Bangla Venga AM Grand Child School chu August 5, 2016 zan dar 11 vel khan a kâng a, bung-rua Rs. 20,00,000 vel hû a kâng chhia.

North Vanlaiphai Joint YMA president BC Lal-muankima sawi danin, sikul in hi chhawng thum a ni a, chhâwng hnuai ber leh a dawtttu chu RCC niin, a chung ber Assam type chu a kâng zo deuh vek a ni.

North Vanlaiphai Joint YMA leh V/C huaihawtin sikul kâng hi Inrinni khan senghawi a ni a, mi 300 chuang an thawk chhuak. Bialtu MLA Vanlalawmpuii Chawngthu chuan a sak ṭhat nan rangva bundle nga leh hnatlang thingpui inna senso tur Rs. 5,000 a pe.

Sikul hi KG aṭanga pawl 10 thleng zir theihna a ni a, zirlai 300 vel an lut mek.