PWD-in an hnathawh an thlirlet

PWD Chief Engineer (Roads) hnuaia SDO chin chung lamte chuan, tun hnai khan PWD E-in-C conference hall-ah an thawh hrang hrangte an thlir let.

Review meeting hawngtu E-in-C Vanlaltluanga chuan PWD officer-te chu kawng leh lei chhiat leh ṭhatah mawhphurtu an nih thu sawiin, an hna chu hlawh lakna ringawta hmang loa mipui tana hnathawhna a ni tih hre tur leh an hnathawhna reng rengah contract agreement zirchiang a, a zawh hun tur dik taka a nih dan tur ang taka zawh a nih theih nan vil ngun turin a chah.

CE (Roads) K Lalsawmvela pawhin thu sawiin, kalphung thar-ah work schedule-a thun tur plan fund a awm tak loh avangin kawng enkawlna atana sum ruahman hman daihzai a ngai tih sawiin, "Pawisa indaih lo chunga chhe taka hnathawh ai chuan hnathawh chin tha taka zawh fel a, a bak chu a kum leha sum hmuha chhunzawm tura dah mai a ṭha zawk," a ti.

Meeting-ah hian World Bank Project te, Asian Development Bank Project te, PMGSY, NEC, NLCPR, Central Road Fund leh NABARD pawisa hmanga kawng siam leh lei dawhte thlir let a ni.