2015 ah lirthei chetsualnaah Mi 72 in nunna an chan

Mizoram Police hnuai-a CID (Crime) chhin-chhiah danin, kum 2015 chhung khan Mizoramah thihna thlen khawp lirtheia chetsualna ṭum 50 a thlenga , mi 72 an thi.

Lirthei chesual zingah hian lirthei ke hnih nei chi a tam ber a, ṭum 15 chetsualna thlengah mi 16 an thi. Truck chetsualna, vawi 13-ah mi 16 an thi a, bus ṭum khat chesualah mi 10 an thi.

Lirthei chesual zinga a tam ber chu danin a phal chin aia chaka khalh vang a ni a, hetiang avang hian chet-sualna tum 15 a thleng a, driver ruih avanga chetsual-na ṭum riat thlengin, a chhan hriat loh ṭum 23 a awm.

CID (Crime) chhinchhiah danin, kum 2015 hi kum 5 nga ta chhunga thihna thlen khawp lirtheia chetsualna thlen tlem ber ṭum leh thi pawh an tlem ber ṭum a ni .

Kum 2011 khan tṭm 63 chetsualnaah mi 82 an thi a, 2012-ah tum 69-ah mi 77 an thi a, 2013-ah
ṭum 77-ah mi 97 an thi a, 2014-ah ṭum 88 chet-sualna-ah mi 103 an thi a ni.