Zawlpui leileta sangha khawi tur sem

Fisheries department chuan Serchhip ram chhung, Zawlpui leh a chhehvela leilet neitute tan ṭum khata buh leh sangha thar chhuah theihna tur, Paddy-cum-Fish Culture an kalpui a; nimin khan leileta sangha khawi tura thlante hnenah sangha chi an pe.

Sorkar thuchhuah tarlan danin, Paddy-cum-Fish Culture kalpui a nih theih nan hian Fisheries department-a mithiamte chu Zawlpuiah kalin, leilette an enfiah a, leileta sangha khawi tlak nia an hriat mi 80 an thlang chhuak. An thlan chhuahte chu training pek vek an ni.

Nikum khan NLUP hmangin Paddy-cum-Fish Culture hlawhtling takin Zawlpui leh a chhehvelah hian kalpui a lo ni tawh a ni.