Aadhaar card-ah hma la turin sorkar ngen

Mizo Students’ Union (MSU) chuan, sorkar laipuiin zirlaite scholarship dilna form-a Aadhaar card thil tel ngei tura a tih chung-changah, Mizo zirlai tam zawkin Aadhaar card an la neih loh avang leh a siamna hun a teptêr tawh avangin, zirlaite harsatna sukiang turin Mizoram sorkar an ngen.

MSU chuan thuchhuah tarlan danin, Ministry of Human Resource Development-in June 10, 2016 khan University Grant Commission (UGC) hnenah scholarship dilna form-a Aadhaar card thil tel ngei tura ti turin thu a pe a; June 29, 2016-ah UGC secretary Jaspal S San-dhu chuan university leh zirna-ina vice chancellor-te lehkha thawnin, financial year 2016-17 chhunga sorkar aṭanga zirlai-te’n hamṭhatna an dawn ṭhin, scho-larship leh fellowship dilna zawng zawngah Aadhaar card thil tel ngei tur a nih thu a thawn a ni.

Ministry of Minorities pawhin July 14, 2016 khan India rama zirlaite scholarship dilnaah Aadhaar card thil tel ngei tur tiin order a chhuah tawh bawk.

MSU chuan, Mizo zirlaite zinga a tam zawkin Aadhaar card an la nei lo tih sawiin, "Sorkarin na zawka hma a lak loh chuan Mizo zirlai tam zawkin kan hamṭhatna a dawn tur scholarship/fellowship kan dawng thei dawn lo," an ti.

MSU hian Adhaar card copy thil tel ngei a nih loh nan emaw, zirlaite’n Aadhaar card siamna hun tam zawk an neih theih nan emaw, scholarship dil hun chhung pawhsei a nih theih nan emawa hma la turin Mizoram sorkar an ngên a ni.