Mizorama lottery kalpui dan report CAG hmunpuiah zir chian mek a ni
Mizoram lottery kalpui dan endiktu Comptroller and Auditor General (CAG), Mi-zoram chuan an hna an zo tawh a, an thil hmuh chhuahte an hmunpuiah an thehlut tawh a, hmun-pui lamin an zir chiang mek.
Vanglaini palai zawhna chhang--in, accoutant general (AG) HK Dharmadashi chuan, Mizoram lottery kalpui a nih dan an endikna report chu June 30, 2016 hmaa CAG hmunpui aṭang-
a tih a nih thu sawiin, "Hun tiam ral hmain kan thehlut. Thil dik lo a awm leh awm loh ka sawi thei lo a, hmunpui lamah engkim a awm tawh a, anni'n kalpui zel dan turah thutlukna an siam ang," a ti.
HK Dharmadashi sawi danin, CAG hmunpui aṭang hian report thehluha thil hriat chian loh an neihte leh hriat belh duh an neihte an rawn zawt reng a, meeting-te pawh an ko ṭhin a ni.
An thil endiknaah harsatna an tawh loh thu sawiin HK Dharmadashi chuan, "Insti-tutional Finance & State Lottery hnathawkte'n min ṭawiawm
ṭha em em a, record pawimawh hrang hrang kan dil ang apiang ṭha takin min pe zel a ni," a ti.
Vanglaini palai zawhna chhangin Institutional Finance & State Lottery hotute chuan, CAG-in an thil chhui an zawh hnuah zawhna engmah an dawn zui tawh loh thu an sawi a, "Eng tiangin nge an kalpui zel dawn pawh kan hre lo," an ti a; thil dik lo an hmuh chhuah leh chhuah loh pawh an hriat loh thu an sawi.
Hetih lai hian, chief minister Lal Thanhawla chuan Mizoram sorkarin lottery kalpui danah thil dik lo a awm loh thu a lo sawi tawh a ni.
Lal Thanhawla chuan, CAG-te'n Mizorama lottery kalpui a nih dan an audit tur thu hi telephone hmanga an hrilh tawh thu a sawi a, "Duh tâwkin rawn audit tura kan inhawn reng thu ka hrilh. Rawn audit se, state dangte tan pawha entawn tlakin kan kalpui tih an hmu chhuak zawk ang," a ti.
Kerala leh Kolkata-a mite'n lottery kalpui danah dik lo a awm nia hriain, Calcutta High Court-ah public interest litigation (PIL) an thehlut a; hei vang hian Ministry of Home Affairs chuan Kolkata-a lottery ticket hralh ṭhin - Mizoram, Nagaland, Sikkim leh West Bengal-te'n lottery an kalpui dan chu endik turin CAG a hriattir a ni.
PIL-ah hian lottery ticket hralh danah thil dik tawk lo a awm thu te, rules and regulation zawm a nih loh thute leh thil dang hrang hrang tarlan a ni.