Rîkrum thila chêt lak dan tur zirho

Tribal Youth Development & Empowerment Society of Mizoram chuan nimin khan Lal Thanhawla Auditorium-ah rîkrum thila chet dan tur leh Mizoram Rural Bank chung-chang zirhona an buatsaih a, parliamentary secretary Joseph Lalhimpuia'n a hmanpui.

Joseph Lalhimpuia chuan, "Bawlhhlawh a hmuna paih loh vang te, tuihâwk luankawr kan siam ṭhat loh vangtein chhiatna a thleng fo. Heti lamah hian mipuite'n ngaihtuahna kan hman a pawimawh," a ti a; chhiatna a thlen hmaa fimkhur a ṭul thu a sawi.

Aizawl khawpui châwmtu Tlawng lui chu khawpui chhunga bawlhhlawh paih tam takin a tibawlhhlawh thu sawiin, Jo-seph Lalhimpuia chuan, "Veng chhung kawrtea bawlhhlawh paih maite hi tuiin a lên zel a, Tlawngah a luang lut zel a, chu chuan nungcha a suat a ni," a ti.

Awareness campaign-ah hian Aizawl khawpui chhunga sikul naupang ṭhenkhat an tel a ni.