MPC-in candidate dah dawn lo

MPC party office bea-rer-te an president Lalhmangaiha Sailo hoa nimina ṭhukhawm chuan, August 23 leh 26, 2016-a local council leh village council bye-election neih turah a hranpaa candidate siam loh an rel.

MPC hotute ṭhu-khawm chuan, LC leh VC bye-election neihna tur - Chhinga Veng, Chite Veng, Mission Veng leh Khawzawl-I (Electric Veng)-ahte an party-in candidate hran siam loh an rêl rual hian, an party mite chu an duhzawng candidate-te puibâwm mai turin an chah a ni.

MPC party chuan, LC leh VC bye-election awm turah inthlanna thianghlim leh felfai tak a awm theih nan dan leh thupek kenkawh kawngah theihtawp chhuah turin sorkar an ngen a; kum 2018-a Assembly inthlanpui hmachhawn turin MPC chu an inpuahchah mek zel tih sawiin,. "Congress ni lo, MNF ni lo, mipui sorkar siamna tura hmalakna kal mek kan thlirho a, a ngai bawk sorkar emaw a ngai bawk policy-te paihthla a, huaisen taka hma la turin mipui kan ngen a ni," an ti.