Krismas pualin thisen an pe

Association for Volun­tary Blood Donation (AVBD), Siaha branch leh District Hospital blood bank-te chuan nimin khan 'Krismas pual thisen pek rûnpui' hawnna inkhawm an buatsaih a, MTP Gen.Hqrs president PP Zalena'n a hmanpui. Nimin khan mi pakua - mipa pariat leh hmeichhia pakhatin thisen an pe nghal a ni.

Krismas pual thisen pek rûnpuiah hian nimin khan Aizawl leh Serchhipah National Service Scheme (NSS) volunteer-te'n thisen unit 65 an pe. Civil Hospital, Aizawl blood bank-ah T Romana College NSS aṭangin mi pakua, Central HSS NSS aṭangin mi 18, Republic HSS NSS aṭangin mi pakua leh Public HSS NSS aṭangin mi pariatin an pe. Serchhip District Hos­pital blood bank-ah Serchhip College NSS aṭang­in mi 21-in an pe bawk.