MBSE-in D.EI.Ed result a tichhuak

Mizoram Board of School Education (MBSE) chuan nimin khan DIET-a Diploma in Elementary Education (D.EI.Ed) zirte exam result a tichhuak. Fourth semester (final semester)-ah zirlai exam 399 zinga 321 an pass a, pass percentage chu 80.45 a ni.

D.EI.Ed. 4th semester-ah hian training mi 400 awmin, chu'ng zinga mi 399 chuan an exam a, mi 321 pass in, mi 78 an fail a ni. Distinction-ah mi 22, 1st division-ah 283 leh 2nd division-ah mi 16 an pass.

Second semester-ah trainee 475 awmin, an exam vek a; mi 447 pass in, mi 28 an fail a, pass percentage chu 94.10 a ni. Exam nawn (re-appear) mi 40 awmin, mi 40 (87.5%) an pass a, panga an fail thung.

Third semester special examination-ah mi pali an exam a, pahnih pass in, pahnih an fail a, pass per­centage chu 50% a ni.