Delhi-ah Mizo zirlaiin kut a tuar Inring turin Mizo zirlaite an inchah

Delhi Mizo Zirlai Pawl (DMZP) chuan, tun hnaia Ramjas College-a peaceful protest huaihawtnaah Mizo zirlai mipa pakhatin thisen chhuak khawpin kut a tuar tih tarlangin, an dem thu an tarlang.

DMZP thuchhuah chuan, "Ramjas College-a mipat hmeichhiatna lam rawngkaia zirtirtu pakhatin zirlai hmeichhe pakhat chunga a chet dan duh lohna lantira campus chhunga nawrh (peaceful protest) huaihawtnaah kan Mizo zirlaipuiin thisen chhuak khawpa mi tu tih hriat lohte kut a tuar hi kan dem tak zet a ni," an ti.

DMZP chuan, "He thil thlenga inhnamhnawihte man chhuah an nih a, dan ang taka an phû tâwk hremna an hmuh ngei theih nan DMZP chuan theihtawp kan chhuah dawn," an ti a; Delhi-a Mizo zirlaite chu an zirlaipui thlavâng hauh a ṭul huna che chhuak vek thei tura inring turin an chah a ni.