Hnahthialah thubuai 65 ziak lut

Hnahthial SP Shivam Siddharth chuan nimin khan a pisaah Hnahthiala thuthar thehdahtute a kâwm a; kum 2024 chhungin Hnahthial district-ah thubuai 65 ziah luh a ni a, mi 75 man an nih thu a sawi.

Shivam Siddharth chuan, kum 2024 chhung khan Hnahthial police-te'n thubuai (criminal case) 65 an ziah luh thu sawiin, "He'ng thubuaiah hian thil sual tia puh mi 75 man an ni a, thil sual tia puh zinga 92% man an ni," a ti.

Hnahthial SP chuan, 2024 Krismas leh kum thar 2025 vuakvetah Hnahthial Sub-Hqrs YMA, village council, MJA leh village defence party-te nen thawhhona ṭha tak an neih avangin harsatna leh buaina awm loin mipuite'n hunpui an hmang thei tih sawiin, lawmawm a tih thu a sawi a ni.