MIS officer-te'n Prasar Bharati an tlawh

Mizoram Information Service (MIS) officer eng emaw zat chu Indian Institute of Mass Communication (IIMC), New Delhi-ah an training mek a, January 8, Nilaini khan Prasar Bharati News Services an tlawh.

MIS officer-te'n Prasar Bharati hmun an tlawhnaah hian DD News deputy director pahnih - Vasanth Mesach leh Narendra Vispute ten DD Newsroom kalphung leh section hrang hrang hnathawh dan an lo hrilhfiah. DD India news anchor Gautam Roy, Mark Iynn leh Tanvi Taneja te nen an inkawm bawk.

IIMC, Delhi-a MIS officer training-te hi deputy director Malsawmsanga bakah IPRO mi 11 an ni a; IPR directorate-a awm IPRO pahnih leh district hrang hranga awm IPRO pakua an ni. Training hi January 6, 2025 khan an ṭan a, vawiinah an zo ang.