Thiamthil tihhmasawna hmalak dan sawiho

Mission Governing Council of Mizoram State Skill and Entreprenuership Development Mission chu nimin khan an chairman Lalduhoma, chief minister hoin CMO conference hall-ah an ṭhu a; vice chairman leh LESDE minister Lalnghinglova Hmar, member secretary Lalmalsawma Pachuau, chief secretary Khilli Ram Meena leh sorkar hotu dangte an tel.

Ṭhutkhawmah hian Labour, Employment, Skill Development & Entreprenuership (LESDE) department, Deendayal Antyo-daya Yojana-National Urban Livelihoods Mission (DAY-NULM), Mizoram State Rural Livelihoods Mission (MzSRLM), Mizoram Startup Mission leh Commerce & Industries department hotute'n thiamthil tihhmasawnna (skill development) lam an kalpui dante an tarlang.

Sorkar thuchhuah tarlan danin, Mizoram State Policy for Skill & Entrepreneurship Development 2018 tihhlawhtlin nan sorkar chuan Mizoram State Skill & Entreprenuership Development Mission (MSEDM) a din thar a; Chief Minister kaihhruai Mission Governing Council hi thuneitu sang ber a ni.

India ramah thiamthil tihhmasawnna hi mission anga kalpui mek a ni a, MSEDM hian Mizoram sorkar hnuaia skill development lam kalpui department-te mumal leh lian tham taka mission pakhat hnuaia kalpui dan a dap dawn a ni.