Bána Kaih Pilot Project February 20-ah peih tum

Mizoram State Policy Coordination Committee chu nimin khan chief minister Lalduhoma hoin CMO conference hall-ah an ṭhukhawm a; Bána Kaih (Handholding) scheme pilot phase-a ṭanpuina dawng tur (progress partner) thlan chu February 20, 2024-ah peih hman ni se, an ti.

Ṭhutkhawma tarlan danin, Bána Kaih pilot phase atana progress partner thlan kawngah detail project report (DPR) neih tel zel a ṭul avangin hun a duh deuh. Pilot phase atana dilna hun khar a ni tawh a, dilna lut tawh zinga hnâwl (rejected) ni lo ho zawng chu phase lo awm leh turah rin zui theihin line department-te'n an dahṭha (shelved) a ni.

Chief Minister's Special Package hmanga ṭanpuina pek chhuah tur zat (allotment) chu ṭhutkhawmah hian tipung a ni a; tihfel nan hun tlem a la ngaih avangin line department-te chu February 20, 2025 hmaa an lehkhate Planning department-a thehlut turin an ti a ni.