Lungleia hâlpuah/hâlmawi hâla hriat mi 12 magistrate hnenah thawn an ni

Lunglei police-te chuan December 31, 2024 zana Lunglei khawpui chhunga halpuah leh halmawi hâl nia an hriat mi 12 an man a, khapna thupek chhuahtu Lunglei District Magistrate hnenah an thawn.

Lunglei police-te hian kum hlui thlah zan khan halpuah leh halmawi hâl enfiahna atan drone pali an hmang a, chung zinga pathum chu thlalak en tlak a ni lo.

Drone pakhat thlalak chu en theih a ni a, uluk taka thlalakte zir chian hnuah Lunglei police-te chuan halpuah leh halmawi hâl ngeia an hriat mi 12 chu an man a, Lunglei District Magistrate hnenah an thawn a ni.

Mi 12-te chungchang hi Lunglei District Magistrate chuan court lamah a thawn ve leh dawn nia thu dawn. Kuminah court an la inhawn loh avangin an inhawn veleh mi 12-te chu Krismas leh kum thar vuakvêta halpuah leh halmawi vanga mante nen thawn an ni ang.