Chief Justice-in court building a hawng

Gauhati High Court chief justice Vijay Bisnoy chuan nimin chawhnu khan Siaha District Court building thar a hawng. Building hi cheng vbc. 18 senga sak a ni.

Chief Justice chuan, building thar chu a ruangám leh engkim a felin a ṭha hle tih sawiin, "Building ṭha tak Siaha district-in a nei thei hi a lawmawm hle a, ṭhahnemngai taka enkawl zui zel a pawimawh," a ti a; diknain ro a relna hmun a nih theih nan theihtawp chhuah zel turin thawktute a fuih.

Siaha District Court building hi September 10, 2018-ah sak ṭan a ni a, March 21, 2021-a sak zawh tura tih ni mah se, Covi-19 avangin a hunah zawh theih a ni lo. April 22, 2023 khan main building sak zawh a ni a, a chhung khawih zawh a nih hnuah nimin khan luah nghal a ni.