Maxicab-te passenger lam kual titawp dawn

Aizawl Municipal Council (AMC) chuan thuchhuah siamin, June 24, 2015 aṭangin maxi cab-te chu an stand ṭheuh aṭangin an chhuak tawh tur a nih thu a puang.

AMC chuan mipui awlsam nan tiin zing dar 6 hma lamah khawpui chhunga an passenger-te lam kual phalsak ṭhin an nih thu sawiin, “Maxi cab service leh counter-te’n AMC duh dan palzûta an passenger-te lam kual lo a, counter aṭanga chhuahpui an kalpui zui reng avangin ngun taka ngaihtuah a nih hnuah khawpui inrelbawlna leh kalphung zel tur thlirin zing dar 6 hma lama inlam kual pawh phal loh turin a ti a ni,” an ti.

Aizawl Municipal Council chuan, an ruahmanna thar chu Aizawl páwn lama chengte leh Aizawl khawpui chhunga cheng maxi cab-a zin ṭhin leh driver zawng zawngte’n an zâwm nghal vek tura an beisei thu an sawi a; Transport department enforcement-te leh Traffic police-te nen chak takin hmalak a ni dawn tih an tarlang.