Lungleiah YMA leh MJA inkâwm

Lunglei District MJA-te leh YMA sub-headquarters, Lunglei officer bearer-te chu nimin khan YMA office-ah an inkâwm a, thil chi hrang hrang ah sawiho.

Lunglei dub-hqrs. YMA president R Lalnunthara chuan, YMA-in ram leh hnam, mipui, vantlang leh khawtlang tan a phâk ang tâwka hma a laknaah tihsual leh tih fuh loh palh a awm thei tih a sawi a; chutiangah chuan finchhuah zel turin MJA member-te a sáwm a ni.

MJA Lunglei District president K Lalrinpuia pawhin, media-a thawk an nih avangin YMA thil tihnaah an tel tam thei lo tih a sawi a, "Kan zavai hian YMA member vek kan ni a, Mizo mipui tan YMA hi a pawimawh em avang­in MJA-te lakah YMA tan inthahrunna tur a awm lo," a ti.

Inkawmhonaah hian YMA chu pressure group anga kal tur a nih leh nih loh te, Chapchar Kût hman zui zel dan tur te, YMA kumpuan - ram leh hnam humhalh kawnga hmalak dan tur te, BSNL internet broadband service ṭha lo te, MLPC Act hnuaia zu zawrh chungchangte leh thil dangte an sawiho a ni.