Mamit chhuahsan tur officer dan titawp

Mamita tlawm­ngai pawl hrang hrang te, Mamit Joint V/C leh Mamita damdawi dawr neitute chuan health department-a assistant director (F&D), Sarah Laldintluangi, Serchhipa sawn a nih vanga Mamit a chhuahsan tur an dan chu tihtawp an remti.

Mamita pawl hrang hrangte hian Sarah Lal­dintluangi chu a thlaktu tur ruat loa sawn chhuah an duh loh avangin Mamit a chhuahsan tur chu June 16, 2015 aṭangin an dang a; mahse sorkarin Mamita assistant director (F&D) dah tura hma a lak avangin an dan chu an titawp a ni.

NGO-te chuan, "Health department-in assistant director (F&D), CMO office, Mamita awm tur ngaihtuaha chak taka file a kaltir hi kan ring tawk a ni," an ti.