Ṭhelrêt sâwngbàwlna kháwl sem

Land Resources, Soil & Water Conservation department, Kolasib district hnuaia ṭhelrêt chíngtute hman turin nimin khan ṭhelrêt sawngbawlna kháwl (rubber rolling machine) sem a ni a, bawrhsap Dr H Lalthlangliana'n a hmanpui.

Dr H Lalthlangliana chuan, ṭhelrêt chu leilung luang ral tur vènna thlai ṭangkai tak a nih thu sawiin, "Khawvel hmun hrang hrangah ṭangkai taka hman a ni. Khawvelah ṭhelrêt hman ṭangkaina a pung zel a, a hlutna pawh a sang zel. Kan district hi ṭhelrêt chìn nana hmun ṭha a nih angin a bik takin ṭhelrêt  chíngtute tan dinchhuah nan hmanraw ṭangkai a ni thei," a ti.

Land Resources, Soil & Water Conservation department hnuaiah hian Mizorama district hrang hrangah rubber rolling machine 100 sem mek a ni a, Kolasib district-a ṭhelrêt chíngtu mi 24 hnenah nimin khan hlan a ni.