Myanmar pawisa leh heroin man

Assam Rifles leh Mizoram Police-te chuan January 10, 2025 khan Siaha district-ah Myanmar pawisa eng emaw zat an man a, Aizawlah heroin an man bawk.

Mizoram Police leh Assam Rifles-te chuan an thu dawn bawhzuiin Mizoram leh Myanmar ramri bul hnaiah operation neiin, mi ṭhenkhat an dap a; mi pahnih hnen aṭangin Myanmar pawisa Kyat 1,08,70,000 an man a, bike pakhat leh mobile phone an man tel.

AR sipaite leh Mizoram Police CID (Crime) hnuaia Special Narcotics Police Station-a mite chuan January 10, 2025 vek khan Zemabawkah mi pathum hnen aṭangin heroin (no. 4) gram 13.590 an man. Heroin neitua puhte chu - Ngurthanzami (29), New Champhai, Bikash Gharti (24), Zemabawk SA Veng leh Lalramthara (37), Tuikual South nia inchhálte an ni.