Leiminin mi pakhat a chhilh hlum

January 11, Inrinni chawhnu dar 1:45 vel khan Zonuam Venga ban khur laih mekah a chhak lama lei a min a, mi pakhat a chhilh hlum.

Vanglaini thu dawn danin, ban khur hi hnam dang pahnihin an lài a, a chhak lam lei a min hian an lài zo ṭêp tawh. Pakhat zawk a khur chhunga lutin, pakhat zawk a kotlangah a awm a, ft. 9 vel an lai tawh tihah chhak lam a min a ni.

Khur kotlanga awm zawk hian khur chhunga awm kaih chhuah a tum a, mahse, lei a min tâk huk avangin an pahnihin a chhilh a ni. Kotlanga awm zawk hi a áwm chin vel leivûngin a chhilh a, a bul hnaia awmte'n damin an la chhuak.

Khur chhunga awm Akash (19), Assam chu ban khurah hian leivûngin a chhilh a, Zonuam khawtlang leh Disaster Management & Rehabilitation lamin theihtawp an chhuah hnuah zan dar 6 velah a ruang lak chhuah a ni.