Larsapin Civil Hospital a tlawh

Governor Lt.Gen. Nirbhay Sharma chuan nimin khan Aizawl Civil Hospital (ACH) a tlawh a; damdawi man tlawm zawrhna, Jan Aushadhi Store (generic drug store) chu mipuite'n tun aia an hman ṭangkai zawk theih nana ṭan la turin thawktute a chah.

Larsap chuan, ACH-a thawktute chu fakawm a tih thu a sawi a, "Doctor hna hi eizawnnan maia hmang lo a, mi dangte tana malsawmna ni tura theihtawp zel turin ka duh che u," a ti.

Governor hian damlo harsate tan ACH hotute hnenah Rs. 20,000 a hlan a ni.