Vawiinah HPC (D) leh sorkar inbe dawn

Mizoram sorkar leh Hmar People's Convention (Democratic) leh Mizoram sorkar chu, vawiin chawhma dar 11 aṭangin Tourist Lodge, Chaltlangah remna zawngin an inbe dawn.

Thu dawn danin, Mizoram sorkar aiawhte chu Home department-a additional secretary Lalbiakzama hoin mi pali an ni dawn a; HPC(D) lam chu mi paruk tel tura beisei an ni a, Lalṭhaliana'n a ho ang.

HPC(D) leh Mizoram sorkar inkara remna zawnga inbiakna neih dan tur hi July 29, 2016 khan Home minister R Lalzirliana kaihhruaiin ruahman a ni.

Mizoram sorkar leh HPC(D)-te hi remna zawngin August 2013 khan an inbe tawh a, inkahhaina thuthlung pawhsei danah an thu an inhmuh loh avangin inbiakna tihtawp a ni.