World Indigenous People Day hmang

Nimin kha Inter-na-tio-nal Day of World Indigenous People (Tual-ṭo Hnamte Ni) a ni a; Zo Re-Unification Organisation (ZORO) chuan an pisaah an hmang a, MZP-te'n an pisaah an hmang bawk.

ZORO chuan reso-lution pass in, Zofa ṭhen darh leh awp darh-te chu rethei takin India, Myanmar leh Bangladesh ramri hrûlah tlemtê têin, hmasâwn chak lo takin an khawsa mek niin an tarlang a, "India sub-continent vela Zofate chênnaah hian socio-economic & traditional and cultural centre dinin, khawvel zirna changkangte el pha, Zo International Uni-versity leh damdawi-in changkang, medical college-a thuam, Zofate’n an mamawh zirna changtlung leh vantlang hriselna pe thei tur din ni rawh se," an ti.

MZP-in International Day of World Indigenous Peoples an hmanah hian Aizawl bishop Most Rev. Stephen Rotluanga khual-lian a ni a; Zo Indi-ge-nous Forum chairman C Ramhluna'n a hmanpui bawk. Chawhnu lamah 'Sustainable Development Goal 2030' chungchang zirho a ni a; UN Joint Ini-tia--tive-a programme coor-dinator Rinzuala Ralte-in paper a buatsaih a sawi.