Zûk leh hmuam chungchang sawiho

Nimin khan Health secretary Lalrinliana Fanai hoin, a pisaah Special Committee to Implement Article 5.3 of WHO Framework Convention on Tobacco Control an ṭhukhawm.

Meeting-ah hian, Mizoram sorkarin Gutkha zawrh leh hralh a khap vanga Smokeless Tobacco Federation (India) hotupa kum 2012-a Mizorama rawn kalin Mizoram sorkar chu Court-a khinah a rawn vau thu te, Gauhati High Court-a public interest litigation (PIL) thehluh a nih thu te, Mizoram sorkarin vaihlo chhiah 30%-a a tihsan vanga vaihlo siamtute'n an lungawi loh thute leh, dan kalha sikret Mizorama lo lut man theihna dan September 2015-ah siam a nih thute tarlan a ni.

Meeting-a tarlan dan-in, Mizoramah dan phal loh cigarette cheng nuai 31.7 man a ni tawh a, phal lohna hmuna mei zu mi 6,401 man tawhin, an sum chawi tlingkhawm chu Rs. 3,13,177 a ni.