Inthlan kaihhnawiha positive 20 hmuh belh zingah Local Council member thar 5 an tel

Health Secretary-in Co­vid-19 a vei bakah hian, a pisaa thawk mi dang pathumin an kai a, a private secretary (PS) a tel. An pisaa mi paliin an kài chhan  Vanglaini palai zawhna chhángin Health secretary PS chuan Covid-19 inleng an neih vang nia an ngaih thu a sawi.

Covid-19 vei hmuh tharte awmna LTF leh YMA hruaitute Vanglaini-in a be kual vek a; local positive contact aṭanga kai mi 35 zinga mi 20 chu local council inthlana duty leh chumi kal zela kai nia hriat an ni.

Durtlang khaw mi Covid-19 positive hmuh chhuah tharte chu LC inthlana duty, hripui vei tate chhuina kal zela swab sample endik vek an ni.

Durtlang Branch YMA secretary K Lalbiakthanga pawh Covid-19 vei hmuh thar zingah a tel. YMA Secretary chuan, an veng mi hripui kai thar zingah LC member atana thlan tlin mi panga leh YMA hruaitu panga an tel tih Vanglaini palai a hrilh a; LC member leh YMA hruaitute chu LC inthlana che vel zingah an tel vek thu a sawi bawk.

Bawngkawn veng mi pakhat chu Bawngkawn South LC inthlana duty a ni. Bawngkawn South-a Covid-19 vei hmuh thar mi pathum zinga pahnih, nupa chu LC inthlan kaihhnawiha hripui vei chhuina kal zela swab sample endiksak an ni a, anni hi September 2 khan an ṭhianpa, Nursery Venga miin a tlawh a, an ṭhianpa chu LC intlana duty, August 24-a training zinga mi niin, a hnuah Covid-19 +ve a ni tih hriat a ni.

Mission Vengthlanga mi hmuh thar pakhat pawh LC inthlana duty positive-te chhuina kal zela kai ni theia ngaih a ni bawk a; Bawngkawn South LC inthlana duty aṭanga kai a nih an rin rualin, Bawngkawn South-a nupa, nimin veka positive tih hmuh chhuahte nen MZU-a thawkho an ni bawk. Govt. Complex venga positive panga zinga pakhat chu LC inthlana vote chhiartu a ni.

Local positive contact zingah hian chanchinbumi, Mizoram Journalists' Association (MJA) member pakhat, Sangau khuaa mi a tel a; ani hi Rapid Antigen Test (RAT) hmanga endiknaah hripui a vei tih hmuh chhuah a ni a, symptom a neih avangin nimin khan State Referral Hospital-ah hruai a ni.

Hetih lai hian, hripui vei tih September 13, Pathiannia hmuh chhuah zinga Republic Venga mipa kum 33 mi chu local council inthlana polling official duty a ni a, August 27-a Armed Veng South LC inthlanah leh September 4-a Mission Veng LC inthlanah a duty ve ve tih, Republic Veng LTF hruaitute chuan an sawi.

Bawngkawn    1    Mipa kum 42. Bawngkawn S' LC inthlana duty.

        Mipa kum 26 & 35, hmeichhia kum 35 mi.

        Mipa pakhat leh hmeichhia hi nupa an ni,

Bawngkawn South    3    Sept. 2-ah an ṭhianpa, Nursery Venga miin

        a tlawh a, an ṭhianpa chu LC intlana duty,

        August 24-a training zinga mi a ni.

        Mipa pakhat kài chhan àwm an chiang lo.

Bethlehem Veng    1    Mipa kum 32. Electric Venga an pu aṭangin,

        an pu-in a vei tih Sept. 5-ah hriat a ni.

        Mipa kum 38 mi, hmeichhia kum 25 & 27 mi.

Bethlehem Vengthlang    3    Mipa hi Venghnuaia TV hrui thlung a ni;

        hmeichhia 1 an office aṭanga kai;

        hmeichhia 1 Manta Bazar aṭangin.

Bungkawn    1    Hmeichhia kum 42. Health Secy. pisaa thawk,

        An pisaah Covid-19 +ve an kal vang.

        Mipa kum 48 (Mizoram police).

Bungkawn Vengthar    1    Vairengtea EVM la tur Manipur police-te nen

        Sihphira an inkawmna aṭanga kai nia hriat.

        Mipa 9 kum 19-61, hmeichhia 5 kum 17-46.

        An venga Covid-19 +ve 3 an neih sate

        aṭanga kai an nih an inring ber, +ve an neih

Durtlang    14    sate chu LC inthlana duty vek an ni.

        An zingah LC member thar 5 leh YMA

        hruaitu 5 an tel a, LC inthlanah an tel vek.

        Mipa pakhatin symptom a nei.

        Mipa kum 33 & 48, hmeichhia kum 48, 59 & 65.

Govt. Complex    5    LC inthlana vote chhiartu 1 a awm;

        Office aṭanga kai nia hriat 3 an awm;

        Mi 1 chu two wheeler-a phurtu aṭangin.

        Mipa kum 32. CCC bul chiaha

ITI Veng    1    Health dept. quarters-a awm an ni a,

        CCC-a repair ngai a khawih ṭhin.

MINECO    1    Mipa kum 35.

Mission Vengthlang    1    Mipa kum 39. LC inthlana +ve chhuina

        kal zela swab sample endik a ni.

        Hmeichhia kum 42 (Health Secy PS).

Model Veng    1    An pisaah Covid-19 +ve an kal

        vanga kái nia hriat a ni.

        Mipa kum 55 (Health Secretary).

Zemabawk    1    An pisaah Covid-19 +ve an kal

        vanga kái nia hriat a ni.

        Hmeichhe naupang kum 10 mi.

Zotlang, Aizawl    1    A nu hi Zotlang sub-centre-a thawk

        health worker, Covid-19 +ve mek a ni.

Sangau    1    Mipa kum 38 mi. MJA member,

        Tun hnaiah Aizawlah a kal.