Youth Representative of India atana thlan zingah Grace Lalrinpari a tel

January 10-12, 2025 chhunga Bharat Mandapam, New Delhi-a Viksit Bharat Young Leaders Dialogue 2025-ah Grace Lalrinpari Hauzel, Pachhunga University College-a History fourth semester zirlai chu a tel a, Youth Representative of India atana thlan zingah a tel.

Viksit Bharat Young Leaders Dialogue 2025-ah hian state hrang hrangin anmahni state ṭheuha inelna hrang hrang an buatsaiha an thlante an tel a; team angin inelna hrang hrangah an tel a, mimal tinte an tih ṭhat dan uluk taka en a ni. Grace Lalrinpari hi inelna hrang hranga ti ṭha berte zingah a tel a, India rama ṭhangtharte aiawh tlaka ngaih niin, Youth Representative of India atana thlan zingah a tel a ni.

Viksit Bharat Young Leaders Dialogue hi tun hma kum 25 chhung National Youth Festival tia hman ṭhin thlakna a ni.