National Hydrology Project kalpui chungchang sawi dûn

Chief minister Lalduhoma chu nimin khan a pisaah World Bank Water Resource specialist Dr Anju Gaur nen an inkâwm a; Mizorama National Hydrology Project kalpui mek chungchang leh World Bank kaltlanga hmalak theihte an sawi dun.

CM Lalduhoma chuan, ruahtui khawl khawm theihna lian tham tak kalpuina tur Mizoramah a awm thu World Bank hotu a hrilh a; National Hydrology Project kalpui mekah duhsakna hlanin, tuihna humhalh leh tui lam kaihhnawih hmalakna World Bank hnuai kalpui theih tur chite a sawipui a ni.

India ram pumpui water resource data neih tumin sorkar laipuiin Ministry of Jal Shakti kaltlangin World Bank nena ṭang dunin National Hydrology Project a kalpui mek a, Mizorama hmalakna enpui tura lo zin Dr Anju Gaur chuan Mizoram sorkar hmalakna chu lungawithlak a tih thu Chief Minister a hrilh.

Chief Minister hi CM secretary Vanlaldina Fanai leh OSD to CM R Lalrodingi ten an ṭawiawm a ni.