Prashasan Gaon Ki Ore campaign

Lunglei DC pisa hmalaknain nimin khan Haulawnga Hausiampa Hall-ah mipuite'n chiang zawka sorkar hmalakna an hriat a, an chhawr ṭangkai theih nan an kawtkaia kal chilhna, 'Prashasan Gaon Ki Ore (I kawtkaiah sorkar) campaign vawi khatna buatsaih a ni a, Lunglei bawrhsap Navneet Mann-in a hawng.

Prashasan Gaon Ki Ore campaign-ah hian Lunglei district-a DC office, Agriculture, Horticulture, Irrigation, BDO, AH & Vety, Social Welfare, DCSO, DEO, Industries leh medical aiawhte'n stall an hawng a; awlsam zawka mipuite dawr theih turin an inpho chhuak. Electoral roll enfiah/inziah luh, Aadhaar card siam, member belh leh paih, ration card leh Aadhar thlun zawm, bank account hawn thar leh sorkar scheme hrang hranga inziah luh leh mipuiin harsatna an thlenna hunte buatsaih a ni.

'I kawtkaiah sorkar' tih programme thawh khatnaah hian January 2025 chhungin khaw paliah campaign buatsaih tum a ni.