Serchhipa kawngpui endik

Serchhip District Road Protection Squad chuan nimin khan an leader Dr C Vanlalchhanhimi, SDC hoin Serchhip Vengchung, Field Veng leh Dinthar VC huam chhunga kawngpuite an endik a, lirthei leh mipui veivahna atana hnawk thei thil dahtute chu insenghawi turin an hriattir.

Serchhip Road Protection Squad hian Serchhip khawpuia kawngte a him leh him loh dan te, vantlang tana hnawk thama kawngpui nêk an awm leh awm lohte an endik ṭhin a; sorkar official te, tlawmngai pawl hruaitute leh Joint VC hruaitute telin, team pali (A, B, C leh D)-ah inṭhenin, a tahtawlin kawngpui hi an endik ṭhin a ni.