Serchhipah MRP aia toa thil zuarte an man

Serchhip District Legal Metrology en-force-ment staff-te chuan, Thawhlehni khan Serchhipa naupang lâwm (toys) zawrhna dawr parukah thil zawrh-na man (maximum re-tailed price) aia sanga bungraw zuarte an man.

Legal Metrology-te'n an mante hi MRP aia toa thil zuar dawrte leh MPR dik tak thai chhiaa a chunga lehkha them danga MRP dang bel chawp zuarte an ni a; an pisaah koin, an thil zawrhna rate chu titawp nghal tura an hrilh bakah, MRP aia toa an zawrh chhan leh MRP siam chawp an bel chhante an sawifiahtir a ni.

Dawr neitute chuan, bungrua an laknate'n MRP bel chawp an rawn pek ang chu an lo lak ve mai ṭhin thu an sawi avangin, Legal Metrology-te chuan an bungraw laknate biak pawh an tum a; mahse, bungraw supply-tu dawrte'n an cash memo-ah an phone number an dah loh hlawm avangin biak pawh theih an ni rih lo.

Silchar-a dawr pakhat erawh chu an be thei a; dan loa thil ti tawh lo tur leh, an ti leh a nih chuan an bungruate dansak tura Taxation department-ah an hrilh tur thu an hrilh.

Serchhipa Legal Metrology inspector Lalsangzuala chuan, bungrua reng reng MRP aia toa zawrh chu Package of Commodity Act-in a khap tih sawiin, a tilui mante chu PC Rules Section 2 leh 5 hmangin Rs. 2,000 thleng chawitir theih a nih thu leh, vawi khat aia tam man an nih chuan a aia tam pawh chawitir theih a nih thu a sawi.