KHAWTHLIR

Order sût phût

Hachhek Constituency Development Committee chuan thuchhuah siamin, Saikhawthlir Middle School-ah hun rei tak headmaster an neih loh hnuah March 21, 2016 khan sor-karin Mamita Agape M/S headmaster J Chawng-hmingliana, Mamit DEO pisaa dah (attached) mek chu Saikhawthlir M/S headmaster turin a dah tih an tarlang a; J Chawnghmingliana chu Saikhawthlira thawk tura an ngaih laiin, Mamit DEO pisaah bawk attached a ni leh tih sawiin, "Hriatthiam har kan ti a, attached order sût leh vat turin thuneitute kan ngen a ni," an ti.

Thisen pe

Aizawl Hospital & Research Centre chuan, an damdawi-in kum 10 tlin lawm nan nimin khan Aizawl Civil Hospital-ah thisen unit 34 an pe a; a petute mipa 19 leh hmeichhia 15 an ni.

Myanmar zu man

Champhaia Excise & Narcotics department-te chuan, August 8, 2016 khan Ṭiau lui kawnga Falpuikawnah Kaplian-tluanga (20) s/o Lallianthanga, Champhai Kanan Veng inti leh Lalrelpuia (21) s/o CLianhnuna, Champhai Bethel Veng inti hnen aṭangin Myanmar zû, BEDC litre 371, beer case 20 leh zu phurhna Bolero pick-up pakhat an man.

Award dil theih

Sorkar laipuia Ministry of Women and Child Development chuan, hmeichhe hmasawnna atana thawk ṭha pawl leh mimal chawimawina Nari Shakti Puruskar dawng thei tur hming thehluh hun a hawng a; hre chiang duh chuan Art & Culture directorate-ah emaw, website www.wed.nic.in ah emaw ngaihven theih a ni. September 16, 2016 thleng dilna a thehluh theih.

Airport khâr rih

India ram pumah national day dawn apiangin airport chhung tlawh theih loa khâr ṭhin a ni a, Lengpui Airport-ah pawh August 8-22, 2016 chhungin terminal building chhungah khualzin tur ni lo chu luh phal a ni lo.