Mantang ei an awm ngeiah kan ngai: MNF

MNF party chuan thuchhuah siamin, Dihmunzawla Public Health Engineering (PHE) department building hlui pakhat cheng nuai 63 sênga ṭhiah a ni chu a in leh sum senso inmil lo hlea an ngaih thu an sawi a, "A rûka manṭang eina awm ngeiah kan ngai," an ti.

Mizoram Legislative Assembly-a Estimates Committee member-te’n PHE building hlui ṭhiah dan an ringhlel chu âwm an tihpui thu sawiin, MNF chuan, "PHE building hlui ṭhiat tura thawktu bik contractor an awm lo hi a fel lo a, puanhnuai thil a awm ngei a tirinhlelhawm lehzual a ni," an ti a; power sub-station siam hna thawktu contractor kuta building ṭhiah hna ngâwi renga pek chu dan kalh niin an sawi.

Sorkar building hlui leh hmunhma ṭhiat tur te, sorkar motor hlui tawh tirîral turin sorkarin auction tender hmangin advertisement a chhuah ṭhin nia sawiin, MNF chuan, "Hetianga a tih hian sorkar chuan a bungraw hluite aṭangin reserve price chin a neih ang chu sorkar sum báwmah a lut ṭhin. Dinhmunzawla PHE building cheng nuai 63 sênga ṭhiahah hian reserve price/asses-ment book value a awm lo," an ti.

MNF chuan, PHE building hlui ṭhiah chungchangah hian PHE Minister chu mawh-phurtuah puhin, sawifiah ngei turin an phût a ni.