Operation-ah ruihhlo man

Central YMA hnuaia ruihhlo dotu, SRS, Excise & Narcotics leh CID (Narco)-te chuan thawhhona thuthlung an siam angin nimin khan Aizawlah joint operation an nei a; mi pahnih, ganja kg. 1.5, ganja kung pathum leh heroin chhin sen bûr hnih an man.

SRS hian an mi mante aṭanga mobile phone an man tel aṭangin mi pakhat an chhui zui a, August 8, 2016 zan dar 9:30 khan Kolasib Diakkawnah heroin hawng 11 leh a neitua puh B Lalhruaitluanga (29) s/o B Lalrinchhana, Kolasib Diakkawn an man a, CID (Crime) hnuaia Special Narcotic PS-ah an hlan. Heroin an man hi Rs. 5,50,000 hû a ni.