ILP hi MNF leh India inremna vanga neih a ni lo - Lalduhoma

ZNP president Lalduhoma chuan, Inner Line Permit (ILP) chu MNF leh India sorkar inremna vanga neih a ni lo niin a sawi a, "Kum 143 liam ta, 1873-a kan neih daih tawh a ni,” a ti.

Nimina Synod Conference Centre, Kolasib-a ZNP zawm thar lawm luhna inkhawmah thu sawiin Lalduhoma chuan, "ILP hi India leh MNF inremna vanga kan neih a ni lo; sap hoin min awp lai, kum 143 liam ta khan Bengal Eastern Frontier Regulation, 1873 vanga kan neih daih tawh a ni," a ti a; ILP chu paih a nih dawn chuan India sorkarin Mizoram a râwn hmasak phawt a ngaih thu leh, MIzoramin remti lo mah se, Central-in a duh chuan a paih theih thu a sawi.

ZNP thuchhuah chuan, nimina in-khawmah hian ZNP zawm thar mi eng emaw zat an lawm lut niin a tarlang.