National Girl Child Day puala Lungleia hun hman tur hawng

National Girl Child Day (January 24) puala ni 10 awh hmeichhe naupangte chanvo humhalh a nih theih na tura inzirtirna beihpui thlakna tur chu nimin khan Lunglei district tan additional DC Rochuangkimi Khenglawt-in DC conference hall-ah a hawng.

Ni 10 chhunga beihpui thlakna turah hian hmeichhiate chawikanna atana hmalakna hrang hrang - district leh block level-ah inzirtirna kawngzawh te, thing phun te, lemchan tawi (reel) insiamsiak te, lemthu (flyer) insiamsiak te, hmeichhe zirlai naupangte zinga hmeichhe hunbi kaihhnawih hriselna leh thianghlimna (menstrual hygiene) chungchang inzirtirte kalpui tum a ni.

Kumina National Girl Child Day thupui chu 'Empowering women for a bright future' tih a ni a; January 24-ah khian National Girl Child Day lawmna leh beihpui thlak khârna buatsaih a ni ang.