Boruak a bawlhhlawh lo

Mizoram Pollution Control Board (MPCB) chuan khawl hmangin Mizorama boruak bawlh-hlawh dan (ambient air quality) a zir ṭhin a; Aug-ust 2-4, 2016 chhung bika an tehnaah, Mizoram chhung-ah boruak a bawlhhlawh lutuk lo tih hmuh a ni.

MPCB hian chawlhkar tin Thawhlehni leh Ninga-ni apiangin khâwlin bawlh-hlawh leh gas a lak khawmte chu laboratory-ah an chhût chhuak vek
ṭhin. An tehnaa a lan danin, Mizoram boruak chu a tlangpui thuin a chhe lutuk lo a; Aizawl khawpui leh a chhehvel boruak chu khaw dang zawng aiin a bawlhhlawh zawk thung.

MPCB-in boruak bawlhhlawh dan tehna khawl hi Mizoram chhung hmun 10-ah an bun tawh a; an dahna hmunte chu - Sikulpuikawn, Bawng-kawn, Dawrpui, Lengpui, Champhai Kahrawt, Champhai Vengthlang, Kolasib Project Veng, Kolasib Diakkawn, Lunglei Farm Veng leh Lunglei Venglai-te a ni.

Boruak bawlhhlawh dan tehna, Air Quality Index (AQI)-ah hian 1-50 chuan mihringah harsatna thlen meuh lo a; 51-100 ah chuan hriselna pan deuh tan thâwk lamah harsatna a thlen theia ngaih a ni.

101-200 chhung-ah chuap leh lung natna nei te, naupang leh upa lamah thâwk a tiharsa thei a; 201-300 ah pawh thâwkah harsatna a awm thei. 301-400 inkarah thâwkna kaihhnawh natna a thleng thei a; 401 chin chung lamah chuan mi hrisel pangngai pawhin an tuar thei tawha ngaih a ni.

August 2-4, 2016-a Mizoram AQI

# Khawl dahna AQI

1. Sikulpuikawn 54

2. Bawngkawn 81

3. Dawrpui 56

4. Lengpui 34

5. Champhai Kahrawt 18

6. Champhai Vengthlang 18

7. Kolasib Project Veng 22

8. Kolasib Diakkawn 38

9. Lunglei Farm Veng 15

10. Lunglei Venglai 17