Khaw pahnihah NLUP sem

Serchhipa Fisheries department chua,n nimin khan an pisaah NLUP third phase leh fourth phase hnuaia sangha khâwi thlangtu chhungkaw 28 hnenah ṭanpuina an sem. Ṭanpuina an sem hi sangha dîl sawngbawlna tur a ni a; chhungkaw pakhat zelah urea quintal khat, MOP quintal chanve leh chinai quintals hnih ṭheuh pek a ni.

Commerce & Industries department pawhin August 10, 2016 khan Darlawn BRC Hall-ah NLUP third phase, second instalment hnuaiah ṭanpuina an sem a, bialtu MLA RL Pianmawia'n a dawngtu turte hnenah a hlan.

Sum sem belhkhawm hi Rs. 35,99,000 a ni a; Darlawn, Pehlàwn, East Phaileng, Kepràn, Lungsum, Zohmun, Sakawrdai, Vaitin, North Serzawl, Thingsât, Sàwleng leh Ratu khuaa mi 83 hnenah pek a ni.