VC term tihtawi chungchangah Jan. 30, 2025-ah thutlukna beisei

17th January, 2025

Mizoram sorkarin village council (VC) term kal mek a pawh tawi chungchangah Gauhati High Court (GHC), Aizawl Bench chuan January 30, 2025-ah thutlukna a siam beisei a ni.

Vanglaini thu dawn danin, All Mizoram Village Council (AMVCA)-in VC term tihtawi a nih avanga an president K Lalngaizuala hminga Gauhati High Court-a Mizoram sorkar an khinna chu GHC Aizawl Bench chuan January 15, Nilaini khan a ngaihtuah a, K Lalngaizuala petition chu a pawm.

Gauhati High Court chuan Mizoram sorkar chu insawifiahna hun a pe a, chawlhkar khat chhunga counter affidavit thehlut turin a hriattir. Mizoram sorkar hian January 23, 2025 aia tlai loah counter affidavit a thehluh a ngai.

AMVCA President-in Mizoram sorkar a khinna hi GHC Aizawl Bench chuan January 30, 2025 khian a ngaihtuah leh dawn a, thutlukna a siam beisei a ni.