AK-47 rifle paruk an man
Mizoram Police chuan an thawhpui intelligence agency-te nen January 15, Nilaini khan Saithah, Mamit district-ah AK-47 rifle paruk, a mu cartridge 10,050 leh magazine 13 an man.
Mizoram Police tarlan danin, AK-47 rifle an man kaihhnawihah hian mi panga an man tel a, an zingah Chin National Front (CNF), Myanmar hruaitute pawh an tel. Silai, a mu leh magazine-te hi CNF leh United Peoples Democratic Front (UPDF), Bangladesh-te inkara hralh tur nia hriat a ni.
AK-47 rifle man chungchangah hian West Phaileng Police Station-ah thubuai ziah luh a ni a, police-te'n an chhui zui mek.