Puantah in sak ṭanpuina sem

Commerce & Industries minister F Rodingliana chuan nimin khan Kawlkulhah leh Teikhangah Kawlkulh Handloom Pocket leh Ngopa Handloom Pocket huam chhunga puantaha eizawng mi 48 hnenah National Handloom Development Programme (NHDP) hnuaiah puantah in sak ṭanpuina a sem.

F Rodingliana chuan, ṭanpuina dawngtute chu hmathlir thui tak nei tur leh hma an lak dan tur uluk taka ngaihtuah hmasa turin a chah a, "Hlawhtlinna lian zawk in chan theih nan mipui mamawh, duh zawng leh hralh nuam tur ngaihtuah tel a, in kutchhuakte'n hmun zau zawk a thlen theihna tur a ruahmanna siam a pawimawh," a ti.

Ṭanpuina dawngtute chu ṭanpuina an dawnte a nih dan tur ang taka hmang tura chahin Minister chuan, "Hmasawnpuitu leh mi dang tan a entawn tlak khawpa hlawhtlinpuitu nih tum ang che u," a ti a; a huhoa hmalakna sâwt zawk kalpui thiam tura thawhhona leh ṭanrualna nei turin a fuih.

NHDP hnuaia puantah in sak ṭanpuina hi mi 48 hnenah first instalment Rs 50,000 ṭheuh hlan a ni.