Aizawl - Lengpui via Sairang Ropeway siam dan tur sawiho

January 15, Nilaini khan chief minister Lalduhoma hoin CMO conference hall-ah Aizawl, Sairang leh Lengpui inkar ropeway siam theih dan a awm leh awm loh sawiho a ni.

Ṭhutkhawma tarlan danin, Aizawl, Sairang rel chawlhhmun leh Lengpui inthlun zawmna tur ropeway siam chu Tourism tihhmasawnna atan bakah, Aizawl - Lengpui via Sairang inkar thlun zawmna neih belhna atan siam ṭhaa hriatna a awm a ni.

Externally Aided Project hmanga UDPA department-in a kalpui mek Aizawl Sustainable Urban Transport Project (ASUTP) hnuaiah emaw, Tourism department kaltlanga kalpui theih dan a awm leh awm loh sawiho a ni.

Ṭhutkhawmah hian UDPA minister K Sapdanga, Tourism minister Lalrinpuii, adviser to CM (Finance) TBC Lalvenchhunga leh sorkar official-te an tel.