National Girl Child Day khuhhawnna

Women and Child Development hnuaia Hnahthial District Hub for Empowerment of Women (DHEW) chuan nimin khan National Girl Child Day khuhhawnna atan Hnahthialah hmeichhe naupang pualin kea kalhona hun an buatsaih a; Beti Bachao, Beti Padhao kum sawm tlin an lawm nghal.

Kea kalhona (walk) Hnahthial Bazar kâwnah ṭanin, Hnahthial khawpui chhungah hmeichhe naupang pawimawhna leh mipuite'n hmeichhiate chawisan kawnga an tih turte hmangin an au rual. Child development project officer LT Rose Mary Hnamte kaihruaiin hmeichhiate venghim tur leh an dikna chanvo humhalh tura intiamna sawi rual a ni a; DHEW district mission coordinator Lalrinpuii'n thu a sawi.

Nimina hun an hmanah hian anganwadi worker leh anganwadi helper te, accredited social health activist-te leh thawktute an tel.

National Girl Child Day hi kum tin January 24-ah hman ṭhin a ni a, kumina thupui chu 'Empowering girls for a bright future' tih a ni.