Mizoram KVI skill training hawng

PM Viswhakarma Scheme hnuaia kut themthiamte thiamna tihpunna atana inzirtirna tur chu nimin khan Zemabawka Mizoram KVI Board Multi Disciplinary Training Centre-ah Mizoram KVI Board chairman C Lalremliana'n a hawng.

Scheme hi kut themthiamna hmanga eizawngte (local artisan leh craft person) ṭanpuina tura duan a ni a, trade 18-ah kalpui tur a ni. Training tura thlante'n an mamawh hmanrua leh lawmman (incentive) Rs 15,000 thleng an dawng thei.

Basic training zawhah Enterprise Development Loan Rs 1,00,000 (thla 18 chhunga rulh tur & 5% interest) an la thei a; loan rûl ṭha, digital-a transaction hmang ṭhate tan leh advance training nei tawhte tan thla 30 chhunga rulh zawh tur loan Rs 2,00,000 an la thei bawk.