MLA 4-te ding tawh lo turin ngen

Champhai Ṭhalai Pawl (CṬP) chuan thuchhuah siamin, June 18 a Champahi District Vigilance & Monitoring Committee ṭhutkhawmnaa tel lo, Champhai district-a MLA palite chu an biala ding tawh lo turin an ngen.

CṬP chuan an district chhunga MLA te chu District Vigilance & Moni­toring Committee ngai pawimawh tura ngenna ni September 4, 2014-ah an pek vek thu sawiin, "Committee hi MLA ten an ngaih pawimawh lohzel avangin ni February 14, 2015 khan chief minister Lal Thanhawla hnena MLA-te committee ngaih pawimawh tir tura ngenna kan kan thehlut leh a ni," an ti.

CṬP tarlan danin, June 18-a com­mittee neihah hian Champhai district-a MLA panga zingah Champhai North bialtu TT Zothansanga chiah a kal a ni.