Chief Minister-in Bungtlangah MRB a hawng

Chief minister Lal Thanhawla chuan June 19, 2015 tlai khan Bung­tlangah Mizoram Rural Bank (MRB) branch thar a hawng a, Mizo mipuite'n bank an hman ṭang­kai thiam tawk loh thu a sawi.

Lal Thanhawla chuan, Mizo­te'n hun rei tak chhung bank pawi­mawhna an hre lo nia sawiin, "Bank-te hi mipui tana ṭangkai tur chuan mipuite'n thawh chhuah kan neih a ngai a, bank-ah dahṭhain kan khawl tur a ni. Hengte hi bank chuan mipui tan hamṭhatna siam vein kan inchhawr tawn ṭhin a ni," a ti.

Bank-te hi chu mipui tana ṭang­kai tur chuan mipuiten thawh­chhuah an neih a ngai tih sawiin Chief Minister chuan, "Bank-ah dah ṭha­in kan khawl tur a ni. Hengte hi bank chuan mipui tan hamṭhatna siam vein kan inchhawr tawn ṭhin," a ti a, sorkar hnathawkte pawh bank-ah pawisa dahkhawl ṭhin turin a ngen.

Bungtlanga MRB branch thar hi he khuaa ṭum hnih hawnna a ni a; kum 1988 khan MRB branch 18 chu sum an hloh nasat avangin tihtawp a ni a, chung zingah chuan Bungtlang branch pawh a tel .