Aizawl bazara sa zawrhte enfiah

AH&Vety department leh Trade & Commerce department hotute chuan, mipuiin sa hrisel zawk an lei theih nan Inrinni zing khan Bawngkawn Bazar leh Ramhlun Bazara sa zawrhte an enfiah a; Bawngkawn Bazara T&C office-ah hmalakho zel dan tur an sawiho nghal.

AH&Vety leh Trade & Commerce department hotute chuan Aizawl khawpui chhung bazar hrang hranga sa zawrhte an endik ṭhin dawn a; June 20-a an endik hi a bul ṭanna niin, bazar dangte pawh an endik zel dawn a ni.

Department pahnih hotute chuan, sa zawrhna tihchangtlun a nih theih nan Rural Development Infrastructure Fund aṭangin Aizawla bazar hrang hrangte thuam ṭhat a nih tur thu an sawi a; Bawngkawn leh a chhehvela mite tan slaughter house siam a nih tur thu an sawi bawk.